தாராபுரம், தாராபுரம் அருகே ஓடும் பஸ்சில் டிரைவர் மயங்கியதால், சாலையோர தோட்டத்துக்குள் அரசு பஸ் புகுந்தது.திருப்பூரில் இருந்து திண்டுக்கல்லுக்கு, ஒரு அரசு பஸ் நேற்று மதியம் புறப்பட்டது. திண்டுக்கல்லை சேர்ந்த வெற்றிவேல், 55, ஓட்டினார். மதியம், 3:20 மணியளவில் குண்டடத்தை அடுத்த இடையன்கிணறு அருகே சென்றபோது, திடீரென வெற்றிவேலுக்கு மயக்கம் ஏற்பட்டது.


இதனால் கட்டுப்பாட்டை இழந்த பஸ், சாலையோர தோட்டத்தில் புகுந்து சிறிது துாரம் ஓடி நின்றது. இதனால் பஸ்ஸில் இருந்த, 50-க்கும் மேற்பட்ட பயணிகள் அதிர்ச்சி அடைந்தனர். ஆனாலும் யாருக்கும் எவ்வித காயமும் ஏற்படவில்லை. விபத்தில் பஸ் முன்புற கண்ணாடி உடைந்து, டயர் பஞ்சரானது. இச்சம்பவத்தால் அப்பகுதியில் பரபரப்பு நிலவியது.