நமது நிருபர்

''ரீல்ஸ் பார்க்கும் குழந்தைகளை என்னிடம் அழைத்து வாருங்கள் நான் வகுப்பு எடுக்கிறேன். தேர்தல் என்பது சினிமாவில் வரும் காதல் காட்சியோ, சண்டைக் காட்சியோ கிடையாது'' என கார்த்தி எம்.பி., பேசினார்.


காரைக்குடியில் பிரசாரத்தில் கார்த்தி எம்.பி., பேசும்போது: நாம் சினிமாக்காரன் கிடையாது. அதனால் தள்ளு முள்ளு கூட்டம் கிடையாது. அரசியலில் விளம்பரம் வேண்டும். ஆனால் விளம்பரமே அரசியல் வாழ்க்கையாக இருக்கக்கூடாது. என்னுடன் எந்த பவுன்சரும் வரவில்லை. காரைக்குடிக்கு பவுன்சர் கலாசாரம் தேவையில்லை. காரைக்குடியில் எந்த அச்சுறுத்தலும் இல்லை.

காரைக்குடி மக்கள் சிம்ப்ளி சிட்டியை தான் விரும்புவர்கள். காரைக்குடிக்கு ஒரு இலக்கணம் உண்டு.காரைக்குடி அமைதியான ஊர். யார் வந்தால் அமைதியாக இருக்கும். யார் வந்தால் அராஜகம் இருக்கும் என்று சிந்திக்க வேண்டும். என் பெயரைச் சொல்லி யாராவது அராஜகம் செய்துள்ளார்களா. தேர்தல் என்பது சினிமாவில் வரும் பாடல் காட்சியோ, சண்டை காட்சியோ காதல் காட்சியோ கிடையாது. சினிமாவில் வரும் கற்பனை வேறு. யதார்த்த வாழ்க்கை வேறு.

ஸ்டாலின் டைட்டிலிலேயே முதலமைச்சர் ஆகவில்லை. கிளைமாக்சில் தான் முதலமைச்சராகி உள்ளார். ஸ்டாலினுக்கு அரசியல் அனுபவம் அதிகம் உண்டு. ஜெ., காலத்தில் அமைச்சராக இருந்த பழனிசாமி எப்படி முதலமைச்சரானார். கூவத்துாரில் டெண்டர் வைத்து முதலமைச்சரானார். அவரது தலைமையில் அ.தி.மு.க., சந்தித்த மூன்று தேர்தல்களிலும் தோற்றுப் போனது. முதலமைச்சராக பக்குவம் வேண்டும். எனக்கும் சினிமாவில் நடிக்க ஆசை உண்டு. எனக்கு நடிக்க தெரியுமா, வசனம் பேச தெரியுமா, ஆடத்தெரியுமா என்று கேட்கக்கூடாது. யாராவது என்னை வைத்து படம் எடுப்பார்களா.

எந்த முன் அனுபவமும் இல்லாமல், ஒருவர் படப்பிடிப்பில் இருந்து நேராக வந்து நான் தான் முதல்வர் என்று சொன்னால் யாராவது ஏற்றுக்கொள்வார்களா. டிரைவர் வேலைக்கு ஆள் எடுக்கும் போது கூட அனுபவம் உள்ளதா லைெசன்ஸ் உள்ளதா என்று கேட்போம். டிரைவருக்கே பல விசாரணை செய்யும் போது, முதல்வராக வரும் போது எந்த கேள்வியும் கேட்கக் கூடாதா. அவரது கூட்டத்திற்கு கூட நேரத்திற்கு வர முடியவில்லை.

அவர் சொன்னால் ரசிகர் கூட பேச்சை கேட்பதில்லை. பொது வாழ்க்கைக்கு முதலில் வாருங்கள், என்றார்.