இ ந்திய இளைஞர்களிடையே நிலவும் நிதி திட்டமிடல் குறித்த இடைவெளியை 'நிவா புபா' நிறுவனத்தின் சமீபத்திய அறிக்கை வெளிச்சம் போட்டுக்காட்டியுள்ளது.

அந்த அறிக்கையில் தெரிவிக்கப்பட்டுள்ளதாவது,

இந்திய இளைஞர்களில் 51 சதவீதம் பேர் 'ஹெல்த் இன்சூரன்ஸை' தங்களின் முக்கிய நிதி இலக்காக கருதினாலும், உண்மையில் 14 சதவீதம் பேரிடம் மட்டுமே பாலிசி உள்ளது. மருத்துவ அவசரகால தயார் நிலையில் 10க்கு 4.54 புள்ளிகளை மட்டுமே பெற்றுள்ள இளைஞர்களில், 76 சதவீதம் பேர் இப்போதும் பாதுகாப்பற்ற நிலையிலேயே இருக்கின்றனர்.

'தற்போது ஆரோக்கியமாக இருக்கிறோம்' என்ற தவறான நம்பிக்கையால் 38 சதவீதம் பேர் இன்சூரன்ஸை தள்ளிப்போடுகின்றனர்; பொழுதுபோக்கிற்கு 14 சதவீதம் செலவிடும் இவர்கள், இன்சூரன்ஸிற்கு ஒரு சதவீதம் மட்டுமே ஒதுக்குகின்றனர்.

இன்சூரன்ஸை ஒரு பாதுகாப்பாக பார்க்காமல் செலவாக கருதுவதால், எதிர்பாராத மருத்துவ செலவுகள் அவர்களின் பல ஆண்டு கால சேமிப்பை ஒரே நாளில் கரைத்துவிடும் அபாயம் உள்ளது.

இவ்வாறு அதில் தெரிவிக்கப்பட்டுள்ளது.