பெண்ணாடம்: பெண்ணாடம் பெரியநாயகி அம்மன் உடனுறை பெரியாண்டவர் சுவாமி கோவில் கும்பாபிேஷகம் நேற்று நடந்தது.

இதையொட்டி, நேற்று முன்தினம் மாலை 6:00 மணியளவில் விக்னேஸ்வர பூஜை, ரக்ஷாபந்தனம், கும்ப அலங்காரம், முதல் கால யாகபூஜை, தீபாராதனை நடந்தது.

நேற்று காலை 6:30 மணியளவில் கோபூஜை, விக்னேஸ்வர பூஜை, 9:30 மணியளவில் கடம் புறப்பாடு, 10:00 மணியளவில் மூலவர் சுவாமிகள் பெரியநாயகி, பெரியாண்டவர் சுவாமி கோவில் கோபுர கலசத்தில் புனிதநீர் ஊற்றி கும்பாபிேஷகம் நடந்தது.

தொடர்ந்து, பிரகாரத்தில் உள்ள கருப்பண்ணசாமி, பாவாடைராயன், நாகம்மாள் சுவாமி சிலைகளுக்கு புனித நீர் ஊற்றி கும்பாபிஷேகம் நடந்தது. ஏராளமான பக்தர்கள் தரிசனம் செய்தனர்.