சென்னை: தேர்தலில் பெரும் வெற்றி பெற்றதால், சினிமாவில் இருந்து முழுமையாக விலகும் முடிவை, த.வெ.க., தலைவர் விஜய் எடுத்துள்ளார்.

இதுகுறித்து, த.வெ.க., வட்டாரங்கள் கூறியதாவது: நடிகர் விஜய், 2024ம் ஆண்டு ஏப்ரல் மாதம் த.வெ.க., எனும் கட்சியை தொடங்கினார். அந்த சமயத்தில், ஜனநாயகன் படத்தில் நடித்து வந்த விஜய், 'இதுதான் எனது கடைசி படம்' என அறிவித்தார்.

ஆனால், ஜனநாயகன் தியேட்டரில் ரிலீஸ் ஆகும் முன்பாக, இணையதளத்தில் கசிந்தது. இதனால், படக்குழுவுக்கு பெருத்த நஷ்டம் ஏற்பட்டது. அதேநேரத்தில், தேர்தலில் முழுமையான வெற்றி பெற வாய்ப்பில்லை என, விஜய் கருதினார்.

இதனாலும், படக்குழுவுக்கு ஏற்பட்ட நஷ்டத்தை ஈடுகட்டவும், மீண்டும் சினிமாவில் நடிக்க விஜய் திட்டமிட்டார். ஆனால், எதிர்பாராத விதமாக, த.வெ.க., பெரும் வெற்றி பெற்றுள்ளது. எனவே, இனி சினிமாவில் விஜய் நடிக்க முடியாது என்பதால், படக்குழு நஷ்டத்தை ஈடுகட்ட, வேறு வழியில் முயற்சி செய்யப்படும். இவ்வாறு அந்த வட்டாரங்கள் கூறின.