கடலுார்: கடலுார் கலெக்டர் அலுவலகத்தில் மக்கள் குறைதீர்க்கும் நாள் கூட்டம் நேற்று கலெக்டர் அலுவலக கூடத்தில் நடந்தது.

கலெக்டர் சிபி ஆதித்யா செந்தில்குமார் தலைமை தாங்கி பொதுமக்களிடம் இருந்து மனுக்களை பெற்றார்.

நேற்று நடந்த கூட்டத்தில் பொதுமக்களிடமிருந்து 515 மனுக்கள் பெறப்பட்டன. பொதுமக்களின் கோரிக்கை மனுக்களை சம்பந்தப்பட்ட துறை அலுவலர்களிடம் வழங்கி தகுதியான மனுக்கள் மீது விரைந்து நடவடிக்கை மேற்கொள்ள அறிவுறுத்தப்பட்டுள்ளது. இக்கூட்டத்தில் டி.ஆர்.ஓ., புண்ணியகோட்டி, வழங்கல் அலுவலர் தங்கமணி, மாவட்ட பிற்படுத்தப்பட்டோர் அலுவலர் தமிழ்கனி, உதவி ஆணையாளர் (கலால்) ராணி உட்பட பலர் கலந்து கொண்டனர்.