விழுப்புரம்: நுாறுநாள் வேலை வழங்கக்கோரி மாம்பழப்பட்டு கிராமத்தில் பெண்கள் சாலை மறியலில் ஈடுபட்டதால் போக்குவரத்து பாதித்தது.

விழுப்புரம் – திருக்கோவிலுார் சாலையில், மாம்பழப்பட்டு கிராமத்தைச் சேர்ந்த 20க்கும் மேற்பட்ட பெண்கள் நேற்று மதியம் 12:20 மணிக்கு சாலை மறியலில் ஈடுபட்டனர்.

தகவலறிந்த காணை போலீசார் மற்றும் பி.டி.ஓ., அலுவலக அலுவலர்கள் விரைந்து சென்று பெண்களிடம் பேச்சுவார்த்தை நடத்தினர்.

அப்போது, நுாறுநாள் வேலை வழங்காமல் அலைக்கழிப்பதாகவும், உடனடியாக வேலை வழங்க வேண்டும் என கோரிக்கை விடுத்தனர். நடவடிக்கை எடுப்பதாக அதிகாரிகள் கூறியதைத் தொடர்ந்து, மதியம் 12:30 மணிக்கு மறியலை கைவிட்டு கலைந்து சென்றனர். இச்சம்பவத்தால் அப்பகுதியில் போக்குவரத்து பாதித்தது.