டெஹ்ரான்: மேற்காசிய போர் பதற்றம் காரணமாக ஹார்முஸ் ஜலசந்தியில் 500க்கும் மேற்பட்ட இந்திய மாலுமிகள் 107 நாட் களுக்கும் மேலாக சிக்கி தவித்து வருகின்றனர் என்ற அதிர்ச்சி தகவல் வெளியாகியுள்ளது-.

மேற்காசிய நாடான ஈரானுடன் அமெரிக்கா - இஸ்ரேல் இணைந்து நடத்தி வரும் போர் 100 நாட்களை கடந்துள்ளது. ஹார்முஸ் ஜலசந்தி மற்றும் ஓமன் வளைகுடா பகுதியில் கடந்த 107 நாட்களாக 13 இந்திய கொடிகள் ஏந்திய வணிக கப்பல்களில் சிக்கி மொத்தம் 562 இந்திய மாலுமிகள் நடுக்கடலில் தவித்து வருகின்றனர்.

ஒட்டுமொத்த வளைகுடா பிராந்தியம் முழுவதையும் கணக்கிட்டால், 18,000 முதல் 23,000 இந்திய மாலுமிகள் இந்த பதற்றமான சூழலால் பாதிக்கப்பட்டுள்ளதாக கூறப்படுகிறது.

கடந்த சில மாதங்களாக தொடர்ந்து நடத்தப்பட்டு வரும் தாக்குதல்களால் மாலுமிகளுக்கு தேவையான அத்தியாவசிய உணவு பொருட்கள் மற்றும் குடிநீருக்கு கடும் தட்டுப்பாடு ஏற்பட்டுள்ளது.

பல கப்ப ல்களில் தகவல் தொடர்பு சாதனங்கள் முடங்கியுள்ளதால், மாலுமிகள் இந்தியாவில் உள்ள தங்கள் குடும்பத்தாரை தொடர்பு கொள்ள முடியாமல் தவித்து வருகின்றனர்.