வாஷிங்டன்: நாங்கள் அவர்களை துவம்சம் செய்துவிட்டோம்; ஈரான் உடன் பேச்சுவார்தையில் அமெரிக்காவுக்கு சாதகமான நிலை இருப்பதாக அதிபர் டிரம்ப் தெரிவித்தார்.

அமெரிக்காவின் வாஷிங்டனில் உள்ள வெள்ளை மாளிகையில், அமெரிக்க விவசாயிகளுடன் ரோஸ் கார்டன் கிளப் இரவு விருந்தில் பங்கேற்ற அதிபர் டிரம்ப் கூறியதாவது: ஈரானின் அணுசக்தித் திட்டம் குறித்த கவலைகள் காரணமாகவே அந்நாட்டிற்கு எதிராக நடவடிக்கை எடுக்க அமெரிக்கா நிர்பந்திக்கப்பட்டது. ஹார்முஸ் ஜலசந்தி முழுமையாகச் செயல்பாட்டில் உள்ளது. நாங்கள் அவர்களை துவம்சம் செய்துவிட்டோம்.

ஈரான் உடன் பேச்சுவார்தையில் அமெரிக்காவுக்கு சாதகமான நிலை இருக்கிறது. அமெரிக்காவால் ஈரான் முற்றிலுமாக தோற்கடிக்கப்பட்டது. ஈரான் அணு ஆயுதங்களை பெற்றிருந்தால் இஸ்ரேலுக்கும் மத்திய கிழக்குக்கும் ஒரு பேரழிவாக அமைந்திருக்கும். நாங்கள் முழுக்க முழுக்க பலத்தின் அடிப்படையில் பேச்சுவார்த்தை நடத்துகிறோம். அது அவர்களுக்குத் தெரியும். இவ்வாறு அதிபர் டிரம்ப் கூறினார்.