விழுப்புரம்: திண்டிவனம் அருகே அகூர் கிராமத்தை சேர்ந்தவர் தாண்டவராயன் மனைவி சரசு,65; இவர் தனது கணவரோடு கடந்த சில தினங்களுக்கு முன் வீட்டிலிருந்தபோது, ஸ்கூட்டரில் வந்த இருவர், சரசு, தாண்டவராயன் ஆகியோரிடம் உங்களுக்கு முதியோர் உதவிதொகை பணம் வருகிறதா என கேட்டதோடு, வாங்கி தருவதாக தெரிவித்துள்ளனர்.

அவர்களிடம் ஆதார் கார்டு கேட்டு, நகைகளை கழட்டி வையுங்கள் போட்டோ எடுக்க வேண்டும் என கூறி ஏமாற்றி, ஒன்றரை சவரன் நகையை எடுத்துக்கொண்டு தப்பி சென்றனர்.

வெள்ளிமேடுபேட்டை போலீசார் வழக்கு பதிந்து நகைகளை திருடி விட்டு தப்பிய கடலுார் மாவட்டம், சிதம்பரம் அருகே புலப்பட்டி கிராமத்தை சேர்ந்த சிவானந்தன், 45; விருத்தாசலம் அருகே கஸ்பா மாரியம்மன் கோவில் தெருவை சேர்ந்த ரகுராமன், 39; என்பது தெரியவந்து அவர்களை கைது செய்தனர்.