நமது நிருபர்

''கடும் நிதி நெருக்கடி இருந்தானாலும், ஒரு நாளுக்கு, 342 கோடி ரூபாய் வட்டியை செலுத்தி, முதல்வர் விஜய் தலைமையிலான அரசு, மக்கள் நலத்திட்டங்களை சிறப்பாக செய்து வருகிறது,'' என, வருவாய்த்துறை அமைச்சர் செங்கோட்டையன் கூறினார்.

ஈரோட்டில் அவர் கூறியதாவது: தாராபுரம், மதுராந்தகம் இடைத் தேர்தலில், 75 ஆயிரம் ஓட்டுகள் வித்தியாசத்தில், த.வெ.க., வெற்றி பெறும். 13 லட்சம் கோடி ரூபாய் கடன் சுமை என்ற, கடுமையான நிதி நெருக்கடி இருந்தாலும், ஒரு நாளுக்கு, 342 கோடி ரூபாய் வட்டியை செலுத்தி, முதல்வர் விஜய் தலைமையிலான அரசு, மக்கள் நலனுக்கான திட்டங்களை சிறப்பாக செய்து வருகிறது.

முதல்வர் விஜய் குறித்து, முன்னாள் முதல்வர் ஸ்டாலினும், எதிர்க்கட்சித் தலைவர் உதயநிதியும் வாய்க்கு வந்தபடி பேசி வருகின்றனர்; அவர்களுடைய தகுதியே அவ்வளவுதான். அ.தி.மு.க., பொதுச்செயலராக இபிஎஸ் வந்த பின், 12 தேர்தல்களில் தோல்வியை தழுவியுள்ளார்.

அதனால் விரக்தியின் எல்லையில் இருக்கும் அவரும், முதல்வர் குறித்து அவதூறாக பேசி திரிகிறார். அநாகரிக பேச்சுக்காக வழக்கு போடுவது, கைது செய்வது என்பதெல்லாம் வேறு. ஆனால், நாகரிகமற்ற முறையில் பேசுவதே தவறு தான்; எப்போதும், நாகரிகமான அரசியல் மட்டுமே தேவை. இவ்வாறு அவர் கூறினார்.