புதுடில்லி: பிரதமர் மோடி இன்றுடன் அரசு பதவியில் தனது 25 ஆண்டை நிறைவு செய்துள்ளார். செர்பியாவின் முன்னாள் அதிபர் அலெக்சாண்டர் வுசிக்கும் தன்னுடைய வாழ்த்துகளை கூறினார். அப்போது, பிரதமர் மோடியை வீழ்த்த சர்வதேச அளவில் சதி நடப்பதாக அவர் கூறியது பெரும் பரபரப்பை ஏற்படுத்தியுள்ளது.

அவர் கூறியதாவது; உங்களிடம் (இந்திய மக்கள்) மோடி என்ற ஒரு நல்ல தலைவர் இருக்கிறார். தற்போது, அவரை வீழ்த்த சர்வதேச சதி நடக்கிறது. பிரதமர் மோடி இந்தியாவை மிகவும் உயர்ந்த நிலைக்கு கொண்டு சென்றுள்ளார். மகாத்மாவின் போதனைகளை அவர் பின்பற்ற முயற்சிக்கிறார்.

பிரதமர் மோடியால் மட்டுமே, உலக அரங்கில் இந்தியா ஒரு முக்கியத்துவம் வாய்ந்த நாடாக திகழ்கிறது. வலிமை மிக்க நாடாகவும் உருவாகியுள்ளது. பிரதமர் மோடி பல்வேறு சாதனைகளை செய்துள்ளார். இருப்பினும், தோல்வியடைந்து விட்டதாகக் கூறி, அவரை வீழ்த்துவதற்கான முயற்சி நடக்கிறது. இவ்வாறு கூறினார்.

அலெக்சாண்டர் வுசிக் பேசிய இந்த வீடியோ சமூக வலைதளங்களில் வைரலான நிலையில், பாஜவினர் பகிர்ந்து வருகின்றனர்.