விழுப்புரம்: பாதாள சாக்கடை பணிக்கு தோண்டப்பட்ட சாலை சேதமடைந்துள்ளதால் குடியிருப்பு மக்கள் கடும் அவதியடைந்து வருகின்றனர்.

விழுப்புரம் புதிய பஸ் நிலையம் அருகில் உள்ள நித்தியானந்தா நகரில் ஏராளமான குடியிருப்புகளில் மக்கள் வசிக்கின்றனர்.

இப்பகுதியில் பாதாள சாக்கடை பணிக்காக பள்ளம் தோண்டப்பட்டது. இங்குள்ள, ராமச்சந்திரன் ராஜம் தெரு நிறைவு பெறும் பகுதியில் உள்ள சாலை, சீரமைக்காமல் கிடப்பில் போடப்பட்டுள்ளது.

இதனால், சாலை குண்டும், குழியுமாக மாறியுள்ளதால் மழைநீர் தேங்குவதால் குடியிருப்பு மக்கள் மற்றும் வாகன ஓட்டிகள் கடும் அவதியடைந்து வருகின்றனர்.

எனவே, சேதமடைந்த சாலையை சீரமைக்க அதிகாரிகள் நடவடிக்கை எடுக்க வேண்டும்.