பெரம்பலுார்: பெரம்பலுார் அருகே, ஓவிய ஆசிரியரை குத்திக் கொலை செய்த மூவரை குன்னம் போலீசார் தேடி வருகின்றனர்.

அரியலுார் மாவட்டம், பெரியதிருக்கோணம் கிராமத்தை சேர்ந்தவர் புகழேந்தி, 50. இவர், கல்லகம் அரசு மேல்நிலைப் பள்ளியில் பகுதி நேர ஓவிய ஆசிரியராக பணிபுரிந்து வந்தார். இவர், நேற்று பெரம்பலுார் மாவட்டம், குன்னம் கிராமத்தில் உள்ள தனது சகளை ராதாகிருஷ்ணன், 56, என்பவரது வீட்டுக்கு வந்தார்.

நேற்று மாலை 6.30 மணியளவில் இவரை இதே கிராமத்தை சேர்ந்த மணிகண்டன், 35, சிவசூர்யா,30, நவநீதகிருஷ்ணன்,32, ஆகிய மூவரும் சேர்ந்து ஓ ட ஓட விரட்டி சென்று ராதாகிருஷ்ணனுக்கு சொந்தமான கோழிப்பண்ணையில் வைத்து கத்தியால் குத்தி கொலை செய்து விட்டு, தப்பியோடி விட்டனர். இதுகுறித்து, குன்னம் போலீசார் வழக்கு பதிந்து மூவரையும் தேடி வருகின்றனர்.