சென்னை: தமிழக முதல்வர் விஜய், அக்டோபர் 13ம் தேதி விஜயவாடாவில் ஆந்திரப் பிரதேச முதல்வர் சந்திரபாபு நாயுடுவைச் சந்திக்கத் திட்டமிட்டுள்ளார்.

தெலுங்கு கங்கை திட்ட ஒப்பந்தப்படி ஆந்திரப் பிரதேசம் ஆண்டுதோறும் 12 டி.எம்.சி கிருஷ்ணா நதி நீரை மாநில எல்லையில் தமிழகத்திற்கு வழங்க வேண்டும். இருப்பினும், இந்த ஆண்டு அக்டோபர் 9ம் தேதி வரை தமிழகத்திற்கு 2.251 டி.எம்.சி. அடி நீர் மட்டுமே கிடைத்தது.

இது மட்டுமின்றி, ஆந்திராவிலிருந்து தமிழகத்துக்குள் வரும் ஆறுகளில் அணை கட்டவும் அந்த மாநில அரசு நடவடிக்கைகளை எடுத்து வருகிறது. இந்த விவகாரங்கள் குறித்து பேச்சு நடத்தவும், நதிநீர் இணைப்பு குறித்து ஆலோசனை நடத்தவும் தமிழக முதல்வர் விஜய், வரும் 13ம் தேதி விஜயவாடா செல்கிறார்.

அங்கு முதல்வர் சந்திரபாபு நாயுடு, துணை முதல்வர் பவன் கல்யாண் மற்றும் அமைச்சர்களை சந்தித்து பேச்சு நடத்த இருக்கிறார் என தகவல் வெளியாகி உள்ளன.