உளுந்துார்பேட்டை: உளுந்துார்பேட்டை அருகே மண் கடத்திய 2 டிராக்டர்களை சப் கலெக்டர் பறிமுதல் செய்தார்.

உளுந்துார்பேட்டை அடுத்த ஷேக்உசேன்பேட்டை அருகே திருக்கோவிலுார் சப் கலெக்டர் கார்த்திக் ராஜா மற்றும் உளுந்துார்பேட்டை தாசில்தார் பாலசுப்ரமணியன் சென்று கொண்டிருந்தனர்.

அப்போது அந்த வழியாக வந்த 2 டிராக்டர்களை நிறுத்தி சோதனை செய்தனர். அதில் எந்தவித ஆவணங்களுமின்றி மண் கடத்தி வந்தது தெரிய வந்தது. அதன்பேரில் 2 டிராக்டர்களையும் பறிமுதல் செய்து போலீசாரிடம் ஒப்படைத்தனர். இது குறித்து எடைக்கல் போலீசார் வழக்குப் பதிந்து விசாரித்து வருகின்றனர்.