பர்கூர்: கிருஷ்ணகிரி மாவட்டம், பர்கூர் அடுத்த மோடிகுப்பத்தில் கிருஷ்ணன் என்பவருக்கு சொந்தமான, 70 அடி ஆழமுள்ள விவசாய கிணறு உள்ளது.

அப்பகுதிக்கு அருகிலுள்ள வனப்பகுதியிலிருந்து, தண்ணீர் தேடி வந்த புள்ளிமான் வழி தவறி, கிருஷ்ணனின் விவசாய கிணற்றில் விழுந்து, வெளியேற வழியின்றி கத்தியுள்ளது. தகவலறிந்து வந்த பர்கூர் தீயணைப்பு மற்றும் மீட்பு பணி துறையினர், நிலைய அலுவலர் சேட்டு தலைமையில் ஊர் மக்களுடன் ஒன்றிணைந்து கயிறு கட்டி இறங்கி, 2 மணி நேரம் போராட்டத்திற்கு பிறகு, மானை உயிருடன் மீட்டு வனத்துறையினரிடம் ஒப்படைத்தனர்.