ஈரோடு:கோவை ஜங்ஷனில் தண்டவாள பராமரிப்பு பணி நடப்பதால் கோவை-திருப்பூர் வழித்தடத்தில் இயங்கும் 5 ரயில்கள் இயக்கம் மாற்றப்பட்டுள்ளது.

அதன்படி வரும் 13-ம் தேதி பிலாஸ்பூர் - - எர்ணாகுளம் எக்ஸ்பிரஸ் (எண்: 22815), 14-ம் தேதி செகந்திராபாத் -- திருவனந்தபுரம் சபரி எக்ஸ்பிரஸ் (எண்:20629), சென்னை எழும்பூர் -- மங்களூரு வெஸ்ட்கோஸ்ட் எக்ஸ்பிரஸ் (எண்:16159), தன்பாத் -- போத்தனுார் அம்ரித் பாரத் ரயில் (எண்:16620), திப்ரூகார் - - கன்னியாகுமரி விவேக் எக்ஸ்பிரஸ் (எண்:22504) ஆகிய ரயில்கள் திருப்பூரில் இருந்து இருகூர் சென்று அங்கிருந்து போத்தனுார் வழியாக இயங்கும்.
இந்த ரயில்கள் மேற்குறிப்பிட்ட நாளில் கோவை ஜங்ஷன் செல்லாது. பயணிகள் வசதிக்காக போத்தனுாரில் நின்று செல்லும் என சேலம் கோட்ட ரயில்வே அதிகாரிகள் தெரிவித்துள்ளனர்.