புதுடில்லி: 2,000 ரூபாய்க்கு மேற்பட்ட யுபிஐ பரிவர்த்தனைக்கு, 0.4 சதவீத கட்டணத்தை வணிகர்களிடம் வசூலிக்க, சமீபத்தில் மத்திய அரசு அனுமதி அளித்தது. புதிய கட்டண முறை, அக்டோபர் 15ம் தேதி முதல் அமலுக்கு வரும் என, தேசிய பணப் பரிவர்த்தனை நிறுவனமான என்பிசிஐ அறிவித்தது

அக்டோபர் முதல் டிசம்பர் வரையிலான காலகட்டத்தில் தசரா, தீபாவளி, கிறிஸ்துமஸ் பண்டிகைகள் வர உள்ளன. புத்தாண்டு, பொங்கல் பண்டிகையும் அடுத்தடுத்து வர உள்ளன. புதிய கட்டண முறையால், பண்டிகை கால விற்பனை பாதிக்கும் என வணிகர்கள் கருதினர். இக்கட்டண நடைமுறையை, சில மாதங்களுக்கு ஒத்திவைப்பது குறித்து மத்திய அரசு பரிசீலித்து வந்தது.

இந்நிலையில் என்பிசிஐ வெளியிட்ட அறிக்கையில் கூறியதாவது: பண்டிகை காலத்தை கருத்தில் கொண்டு,யுபிஐ பயன்படுத்தி மே ற்கொள்ளப்படும் 2 ஆயிரம் ரூபாய்க்கு மே ற்பட்ட வர்த்தக பரிவர்த்தனைகள் கட்டணம் விதிக்கும் நடைமுறை, தீபாவளி பண்டிகைக்கு பிறகு அமல்படுத்த முடிவு செய்யப்பட்டது எனக்கூறியுள்ளது.