வாஷிங்டன்: அமெரிக்க கடற்படையானது 1775ம் ஆண்டு நிறுவப்பட்டது. அந்நாடு சுதந்திரத்திற்கு முன்பு அமைக்கப்பட்ட இப்படை, தற்போது உலகில் சக்திவாய்ந்ததாக உள்ளது. இப்படை உருவாக்கப்பட்டதன் 251வது ஆண்டு தினம் நேற்று( அக்டோபர் 13)ம் தேதி கொண்டாடப்பட்டது.

அமெரிக்க கடற்படையை பாராட்டும் வகையில் அந்நாட்டு அரசியல்வாதிகள் பாராட்டு தெரிவித்து சமூக ஊடகங்களில் பதிவுகளை வெளியிட்டனர். குறிப்பாக அதிபர் டிரம்ப் சார்ந்துள்ள குடியரசு கட்சி தலைவர்கள் போர்க்கப்பல்கள் படங்களை வெளியிட்டு வாழ்த்தினர். ஆனால், அனைவரும் குறிப்பிட்டு ஒரு தவறை செய்தனர். யாரும் கவனிக்காத நிலையில், அமெரிக்க பத்திரிகையாளர் ஒருவர் அதை சுட்டிக்காட்டினார். அரசியல்வாதிகள் அனைவரும் வெளியிட்டது அமெரிக்க போர்க்கப்பல் அல்ல.

இந்திய போர்க்கப்பல் என சுட்டிக்காட்டினார். இணையத்தில் அதனை ஆராய்ந்த போது அவர்கள் வெளியிட்டது ஐஎன்எஸ் கோதாவரி, ஐஎன்எஸ் பிரம்மபுத்ரா மற்றும் ஐஎன்எஸ் பியாஸ் கப்பல்கள் அவை. 2008 ம் ஆண்டு அமெரிக்க இந்தியா கடற்படை பயிற்சியில் ஈடுபட்டன. அப்போது அமெரிக்க போட்டோ கிராபர் எடுத்த புகைப்படத்தை அவர்கள் வெளியிட்டனர்.

இது சமூக ஊடகங்களில் வைரலாக பலரும் அவர்களை கிண்டல் செய்கின்றனர்.