அன்னூர்: அன்னூரில் வரும் 22, 23 தேதிகளில், கலெக்டர் பங்கேற்கும் 'உங்களைத் தேடி, உங்கள் ஊரில்' முகாம் நடைபெறுகிறது.

பொதுமக்களின் குறைகளை கேட்டு அறிந்து, அரசின் நலத்திட்டங்கள் மற்றும் சேவைகள் தடையின்றி, மக்களுக்கு கிடைப்பதை உறுதி செய்யும் வகையில், 'உங்களைத் தேடி, உங்கள் ஊரில்' என்னும் முகாம் அனைத்து தாலுகாக்களிலும் நடத்தப்படுகிறது.

அன்னூர் தாலுகாவில், இந்த ஆண்டுக்கான முகாம், வருகிற, 22, 23 ஆகிய இரண்டு நாட்கள் நடைபெறுகிறது. 22ம் தேதி காலை 9:00 மணி முதல், கோவை கலெக்டர் பவன் குமார், அன்னூர் ஊராட்சி ஒன்றிய அலுவலகம், அரசு மருத்துவமனை, நூலகம், வேளாண் அலுவலகம், ரேஷன் கடைகள், பேரூராட்சி அலுவலகம் உள்பட பல்வேறு அலுவலகங்களை நேரில் ஆய்வு செய்கிறார்.

பின்னர், மாலை 4:00 மணிக்கு, அன்னூர் தாலுகா அலுவலகத்தில், அனைத்து துறை அலுவலர்களுடன் ஆலோசனை நடத்துகிறார். பொதுமக்களிடம் மனுக்கள் பெறுகிறார்.

'பொதுமக்கள் 22ம் தேதி மாலை 4:00 மணிக்கு, அன்னூர் தாலுகா அலுவலகத்தில் கலெக்டரிடம் நேரடியாக மனு தரலாம்,' என அதிகாரிகள் தெரிவித்தனர்.