பெ.நா.பாளையம்: நரசிம்மநாயக்கன்பாளையத்தில் ஹிந்து வியாபாரிகள் நல சங்கம் சார்பில், ஹிந்து வணிகர்கள் தின விழா கொண்டாடப்பட்டது.

ஆங்கிலேயர்களை எதிர்த்து, தன் சொந்த செலவில் கப்பல் வாங்கி ஓட்டி, வணிகம் செய்து, கப்பலோட்டிய தமிழன் என்ற பெயர் பெற்ற, வ.உ.சி., பிறந்த நாளை ஹிந்து வணிகர்கள் தினமாக, ஹிந்து வியாபாரிகள் நல சங்கத்தினர் கொண்டாடி வருகின்றனர்.

நரசிம்மநாயக்கன்பாளையம் பவானி கோயிலில் ஹிந்து வியாபாரிகள் நல சங்கம் சார்பில் விழா நடந்தது.

இதில், வ.உ.சி., மற்றும் சத்ரபதி சிவாஜி சிலைக்கு மாலை அணிவித்து மரியாதை செலுத்தப்பட்டது. விழாவில், ‘ஹிந்து வியாபாரிகள் நியாயமாகவும், நேர்மையாகவும் இருக்க வேண்டும். தேசப்பற்றுடன் ஹிந்து தர்மத்துடன் நடந்து கொள்ள வேண்டும். ஹிந்து வியாபாரிகள் அனைவரும் ஒருங்கிணைந்து செயல்பட வேண்டும்’ என வலியுறுத்தப்பட்டது.

நிகழ்ச்சியில், பெரியநாயக்கன்பாளையம், வீரபாண்டி பிரிவு, நரசிம்மநாயக்கன்பாளையம் உள்ளிட்ட பல்வேறு பகுதிகளில் இருந்து வியாபாரிகள் பங்கேற்றனர்.