சேலம்: சந்திராகச்சி – மங்களூரு விவேக் வார ரயில், இனி பெயர் மாற்றப்பட்டு, சந்திராகச்சி ஸ்டேஷனுக்கு பதில், ஷாலிமர் ஸ்டேஷனிலிருந்து இயங்கும் என அறிவிக்கப்பட்டுள்ளது.

இதுகுறித்து, சேலம் ரயில்வே கோட்டம் வெளியிட்டுள்ள அறிக்கையில் கூறியிருப்பதாவது:

சந்திராகச்சி – மங்களூரு விவேக் வார ரயில், மேற்கு வங்க மாநிலம், ஹவுரா அருகில் உள்ள சந்திராகச்சி ஸ்டேஷனிலிருந்து வியாழக்கிழமை மதியம், 2:55 மணிக்கு கிளம்பி, சேலம், ஈரோடு, திருப்பூர், கோவை வழியே சனிக்கிழமை காலை, 8:50 மணிக்கு மங்களூரு வந்து கொண்டிருந்தது.

இந்த ரயில், அக்., 29 முதல் சந்திராகச்சி ஸ்டேஷனுக்கு பதில், ஷாலிமார் ஸ்டேஷனிலிருந்து வியாழன் மதியம், 2:30 மணிக்கு கிளம்பும். மறு மார்க்க ரயிலான மங்களூரு – சந்திராகச்சி விவேக் வார ரயில், சனிக்கிழமை இரவு, 11:00 மணிக்கு கிளம்பி, சேலம் வழியே சென்று, திங்கட்கிழமை மாலை, 6:00 மணிக்கு சந்திராகச்சி சென்றடைந்தது.

அக்., 31 முதல், ஷாலிமார் ரயில் நிலையத்துக்கு செல்லும். ரயிலின் பெயரும் மங்களூரு – ஷாலிமார் விவேக் எக்ஸ்பிரஸ் ரயில் என மாற்றப்பட்டுள்ளது.

இவ்வாறு, அதில் கூறப்பட்டுள்ளது.