கொங்கணி மொழியை செயற்கை நுண்ணறிவு தொழில்நுட்பத்தின் வாயிலாக மேம்படுத்தும் வகையில், மத்திய அரசின் 'பாஷிணி' திட்டத்தின் ஆதரவுடன் உருவாக்கப்பட்டுள்ள புதிய கொங்கணி மொழிக்கான அதிக தரவுகளை கொண்ட பேழை கோவாவில் அறிமுகப்படுத்தப்பட்டது.

கோவா மாநில அரசின் தகவல் தொழில்நுட்பம், மின்னணுவியல் மற்றும் தகவல் தொடர்புத் துறை சார்பில், அக்., 22, 23 ஆகிய தேதிகளில் பனாஜியில் 'கோவா ஏ.ஐ., தொழில்நுட்ப மாநாடு 2026' நடைபெற்றது.

'மக்கள், உலகம் மற்றும் முன்னேற்றத்திற்கான செயற்கை நுண்ணறிவு' என்ற கருப்பொருளில் நடைபெற்ற இந்த மாநாட்டில், மத்திய மின்னணுவியல் மற்றும் தகவல் தொழில்நுட்ப அமைச்சகத்தின் கீழ் செயல்படும் டிஜிட்டல் இந்தியா 'பாஷினி' பிரிவும் பங்கேற்றது.

மாநாட்டின் துவக்க விழாவில், 'பாஷினி' ஆதரவுடன் உருவாக்கப்பட்ட கொங்கணி மொழிக்கான அதிக தரவுகளை கொண்ட பேழை அறிமுகப்படுத்தப்பட்டது. இதன் செயல்பாடுகள் மற்றும் உருவாக்க முறைகள் குறித்து 'பாஷினி' குழுவினர் விளக்கமளித்தனர்.