நாமக்கல்: ''வரும், 2026 சட்டசபை தேர்தலில், மீண்டும் தி.மு.க., ஆட்சி அமைக்க வேண்டும் என்ற முனைப்போடு கட்சியினர் அனைவரும் தொடர்ந்து பாடுபட வேண்டும்,'' என, எம்.பி., ராஜேஸ்குமார் பேசினார்.


கிழக்கு மாவட்ட தி.மு.க., பாக முகவர்கள் மற்றும் நிர்வாகிகள் கூட்டம், சேந்தமங்கலம், ராசிபுரம், நாமக்கல் சட்டசபை தொகுதிகளில், நேற்று நடந்தது. நாமக்கல்லில் நடந்த கூட்டத்தில், மாவட்ட செயலாளரும், எம்.பி.,யுமான ராஜேஸ்குமார் பேசியதாவது: தமிழக அரசு, கடந்த மூன்று ஆண்டுகளில் செயல்படுத்திய திட்டங்களை மக்களிடையே எடுத்து செல்ல வேண்டும்.

திண்ணை பிரசாரம் வாயிலாக, ஒவ்வொரு வீடாக சென்று மக்களிடையே அரசு திட்டங்களை விளக்க வேண்டும். வரும், 2026 சட்டசபை தேர்தலில், மீண்டும் தி.மு.க., ஆட்சி அமைக்க வேண்டும் என்ற முனைப்போடு கட்சியினர் அனைவரும் தொடர்ந்து பாடுபட வேண்டும். இவ்வாறு அவர் பேசினார்.
அமைச்சர் மதிவேந்தன், தொகுதி பார்வையாளர்கள் முனவர் ஜான், ரேகா பிரியதர்ஷினி, நன்னியூர் ராஜேந்திரன், எம்.எல்.ஏ., ராமலிங்கம், மாநகராட்சி மேயர் கலாநிதி, துணை மேயர் பூபதி, நகர செயலாளர்கள் ராணா ஆனந்த், சிவகுமார் உள்பட பலர் பங்கேற்றனர்.