வீரபாண்டி: வீரபாண்டி அரசு மேல்நிலைப்பள்ளியில், வட்டார கலைத்திருவிழா போட்டி கடந்த அக்., 28ல் தொடங்கியது. அதன் தொடர்ச்சியாக, வட்டார அளவில், 9, 10, பிளஸ் 1, பிளஸ் 2 வகுப்பு மாணவ, மாணவியர்களுக்கு, பாட்டு, நடனம், கைத்திறன், வாத்திய கருவிகள் வாசித்தல் என தனிநபர், குழுக்களுக்கு பல்வேறு போட்டிகள், ஆட்டையாம்பட்டி அரசு மகளிர் மேல்நிலைப்பள்ளியில் நேற்று தொடங்கின. வீரபாண்டி அட்மா குழு தலைவர் வெண்ணிலா தொடங்கி வைத்தார்.

வட்டாரத்துக்குட்பட்ட, 26 பள்ளிகளில் இருந்து, 500க்கும் மேற்பட்ட மாணவ, மாணவியர் பங்கேற்றனர். 9, 10ம் வகுப்பு மாணவர்களுக்கு நடந்த போட்டிகளில் மாணவர்கள் திறமைகளை வெளிப்படுத்தினர். இன்று பிளஸ் 1, பிளஸ் 2 மாணவர்களுக்கு போட்டிகள் நடக்கின்றன. ஏற்பாடுகளை வட்டார வள மைய பயிற்றுனர்கள், ஆசிரியர்கள், ஆட்டையாம்பட்டி அரசு மகளிர் மேல்நிலைப்பள்ளி ஆசிரியர்கள் செய்திருந்தனர்.