இக்சன் சிட்டி: கொரிய மாஸ்டர்ஸ் பாட்மின்டன் காலிறுதிக்கு இந்தியாவின் கிரண் ஜார்ஜ் முன்னேறினார்.

தென் கொரியாவில், 'சூப்பர் 300' அந்தஸ்து பெற்ற மாஸ்டர்ஸ் பாட்மின்டன் தொடர் நடக்கிறது. இதன் ஆண்கள் ஒற்றையர் பிரிவு இரண்டாவது சுற்றில் இந்தியாவின் கிரண் ஜார்ஜ், சீனதைபேயின் சி யு ஜென் மோதினர். முதல் செட்டை 21-17 எனக் கைப்பற்றிய கிரண் ஜார்ஜ், இரண்டாவது செட்டை 19-21 என போராடி இழந்தார். வெற்றியாளரை நிர்ணயிக்கும் மூன்றாவது செட்டில் எழுச்சி கண்ட இவர், 21-17 என தன்வசப்படுத்தினார்.
ஒரு மணி நேரம், 15 நிமிடம் நீடித்த போட்டியில் அசத்திய கிரண் ஜார்ஜ் 21-17, 19-21, 21-17 என்ற கணக்கில் வெற்றி பெற்று காலிறுதிக்குள் நுழைந்தார். காலிறுதியில் கிரண் ஜார்ஜ், ஜப்பானின் டகுமா ஒபயாஷி மோதுகின்றனர்.