திருவண்ணாமலை:திருவண்ணாமலையை அடுத்த சொரகொளத்துார் காப்புக்காடு பகுதியில், நேற்று அதிகாலை பைக்கில் வந்த இருவரை போலீசார் மடக்கியதில், ஒருவர் சிக்கினார். விசாரணையில் அவர், கலசப்பாக்கத்தை அடுத்த கொண்டம் கிராமத்தை சேர்ந்த சங்கர், 46, என்பது தெரிந்தது.

அவரிடமிருந்து அனுமதியில்லாத இரண்டு நாட்டு துப்பாக்கிகள், காட்டுப்பன்றிகளை கொல்ல பயன்படுத்தப்படும், 28 நாட்டு வெடிகளை பறிமுதல் செய்தனர்.

தப்பிய நபர் கஸ்தம்பாடி அடுத்த முனியந்தலை சேர்ந்த வினோத், 25, என தெரிந்தது. திருவண்ணாமலை தாலுகா போலீசார், சங்கரை கைது செய்து, வினோத்தை தேடி வருகின்றனர்.