வில்லியனுார்: தொண்டமாநத்தம் கிராமத்தில் அன்சாரி துரைசாமி அரசு மேல்நிலைப் பள்ளி வளாகத்தில் அறிவியல் கண்காட்சி நடந்தது.

துவக்க விழாவிற்கு பள்ளி துணை முதல்வர் பொறுப்பு மனோன்மணி தலைமை தாங்கி, கண்காட்சி அரங்கை திறந்துவைத்தார்.

கண்காட்சியில் பள்ளி மாணவர்கள் சார்பில் 100க்கும் மேற்பட்ட அறிவியல் படைப்புகளை பார்வைக்கு வைத்திருந்தனர். சிறந்த அறிவியல் படைப்புகளை விரிவுரையாளர்கள் சரவணன் மற்றும் யமுனா ஆகியோர் தேர்வு செய்து பரிசுகள் வழங்கி பாராட்டினர்.

கண்காட்சி ஏற்பாடுகளை விரிவுரையாளர் மணிகண்டன், ஆசிரியர் மகாதேவன் மற்றும் பள்ளி அனைத்து ஆசிரியர்கள், அலுவலக ஊழியர்கள் செய்தனர்.