ஸ்ரீமுஷ்ணம்: குறிஞ்சிப்பாடி அடுத்த தீர்த்தனகிரி குளத்துமேட்டு தெருவை சேர்ந்தவர் பாலகிருஷ்ணன்,45; தாமரை பூ வியாபாரியான இவர் சுற்று வட்டார பகுதியில் உள்ள குளங்களில் தாமரை பூக்களை பறித்து பூ கடைகளில் விற்பனை செய்து வந்தார்.

இவர் நேற்று முன்தினம் ஸ்ரீமுஷ்ணம் அருகே உள்ள ஆதிவராகநல்லுார் குளத்தில் கார் டியூபில் மிதந்து சென்று, தாமரை பூக்களை பறித்தபோது, தவறி விழுந்து தண்ணீரில் மூழ்கி மூச்சி திணறி இறந்தார்.

தகவலறிந்த ஸ்ரீமுஷ்ணம் போலீசார், தீயணைப்பு வீரர்கள் உதவியுடன் பாலகிருஷ்ணன் உடலை மீட்டு பிரேத பரிசோதனைக்காக விருத்தாசலம் அரசு மருத்துவமனைக்கு அனுப்பி வைத்தனர்.இதுகுறித்து ஸ்ரீமுஷ்ணம் போலீசார் வழக்குப்பதிந்து விசாரித்து வருகின்றனர்.

இறந்த பாலகிருஷ்ணனுக்கு திருமணமாகி ஒரு மகனும், ஒரு மகளும் உள்ளனர்.