கோவை ; ரேஸ்கோர்ஸ் டி.எப்.ஓ., காம்பவுண்ட், டி.ஆர்.ஓ., காம்பவுண்ட், தொழிலாளர் நலத்துறை அலுவலர்கள் குடியிருப்பு என ஆறு குடியிருப்புகள் உள்ளன. இங்கு பல்வேறு இடங்களில் சந்தன மரங்கள் வளர்ந்துள்ளன.

கோவை ஹைவேஸ் காலனியில் பொதுப்பணித்துறை கெஸ்ட் ஹவுஸ் உள்ளது. இங்கு, சேலத்தை சேர்ந்த முகேஷ் குமார், 31 என்பவர் கட்டட புதுப்பிக்கும் பணிகளை மேற்கொண்டு வருகிறார். இந்நிலையில் கடந்த 5ம் தேதி வேலை முடித்து செல்லும் போது, அந்த கட்டடத்தின் பின்பக்கம் சந்தன மரம் இருந்ததை பார்த்துள்ளார். மறுநாள் அதை காணவில்லை. யாரோ வெட்டியிருப்பது தெரியவந்தது. இதையடுத்து, முகேஷ்குமார், அளித்த புகாரின் பேரில் ரேஸ்கோர்ஸ் போலீசார் வழக்கு பதிவு செய்து சந்தன மரத்தை வெட்டி கடத்திச் சென்றவர்கள் குறித்து விசாரிக்கின்றனர்.