திருப்பூர் ; திருப்பூர், மங்கலம் சாலை, எஸ்.ஆர்., நகர் அடுத்துள்ள கைசர் கார்டன் எதிர்புறம், நேற்று மதியம், இரு டூவீலர்களில் மூன்று பேர் வந்தனர்.

கையில் துப்பாக்கி வைத்திருந்த அவர்கள், அங்கிருந்த மரத்தில் அமர்ந்திருந்த பறவைகளை சுட்டுள்ளனர். இதைக்கண்ட அப்பகுதி மக்கள் அதிர்ச்சியடைந்தனர்.அங்கிருந்த ஒருவர், அவர்களை தடுத்து நிறுத்த முற்பட்ட போது, 'அப்படிதான் செய்வோம்' என, அந்த மூவரில் ஒருவர் கூறி, தன்னிடம் இருந்த துப்பாக்கியால் அந்த நபரை குறி பார்த்துள்ளார். அங்கு மக்கள் கூட துவங்கிய நிலையில், அவர்கள் மூவரும் அங்கிருந்து சென்றுவிட்டனர்.திருப்பூர் வனச்சரக ரேஞ்சர் சுரேஷ் கிருஷ்ணனிடம் கேட்ட போது,''துப்பாக்கியால் பறவையை சுடுவது, சட்டப்படி குற்றம். 'வீடியோ' ஆதாரம் கிடைத்துள்ளது. அதில் வாகன எண் பதிவாகியுள்ளது. விசாரணை மேற்கொண்டு, உரிய நடவடிக்கை எடுக்கப்படும்,'' என்றார்.