ப.வேலுார்: நாமக்கல் மாவட்டம், பரமத்தி வேலுார் தாலுகா, பரமத்தி, மலர் பப்ளிக் சீனியர் செகண்டரி பள்ளி மாணவ, மாணவிகள் சிலம்பம் சுற்றுதலில் சாதனை படைத்துள்ளனர்.

டாக்டர் ஏ.பி.ஜே. அப்துல் கலாம் பிறந்த நாளை முன்னிட்டு, கரூர் பாரதம் சிலம்பம் அகாடமி சார்பாக, தொடர் சிலம்பம் சுற்றும் போட்டி கரூரில் உள்ள தனியார் கல்லுாரியில் நடைபெற்றது. இதில், மலர் பப்ளிக் சீனியர் செகண்டரி பள்ளியின் முதலாம் வகுப்பு மாணவர் கௌஷித், மூன்றாம் வகுப்பு மாணவர் சித்தார்த் மற்றும் நான்காம் வகுப்பு மாணவி வைனவி ஆகியோர், 1 மணி நேரம், 15 நிமிடங்கள் இடைவிடாமல் சிலம்பம் சுற்றி சாதனை படைத்துள்ளனர்.
சாதனை படைத்த மாணவ, மாணவிகளை பள்ளியின் செயலாளர் கந்தசாமி, பொருளாளர் வெங்கடாசலம், துணைத் தலைவர் ராஜேந்திரன், துணைச் செயலாளர் தங்கராஜூ, பள்ளியின் முதல்வர் ஆரோக்கிய ராஜ், இயக்குனர்கள், இருபால் ஆசிரியர்கள், அலுவலக பணியாளர்கள் மற்றும் மாணவ, மாணவிகள் பாராட்டி வாழ்த்து தெரிவித்தனர்.