பண்ருட்டி : பண்ருட்டி அருகே சிறுவத்துாரில் வீட்டில் மதுபாட்டில்கள் வைத்து விற்றவரை புதுப்பேட்டை போலீசார் கைது செய்தனர்.

பண்ருட்டி அடுத்த சிறுவத்துார் 2வது தெருவில் உள்ள சண்முகம் மகன் முருகன்,48; என்பவரது வீட்டில் மதுபானம் பதுக்கி வைத்து விற்பதாக புதுப்பேட்டை போலீசாருக்கு ரகசிய தகவல் கிடைத்தது.

அதன்பேரில் போலீசார் நேற்று அவரது வீட்டில் சோதனை செய்த போது 25 மதுபான பாட்டில்கள் பதுக்கி வைத்திருந்தது தெரிய வந்தது.

அவற்றை பறிமுதல் செய்த போலீசார், வழக்குப் பதிந்து முருகனை கைது செய்தனர்.