பழநி : பழநி முருகன் கோயில் நிர்வாக கட்டுப்பாட்டில் உள்ள வேணுகோபால சுவாமி கோயில் கும்பாபிஷேகம் நவ.17ல் நடக்கிறது.

பழநி ருகன் கோயில் நிர்வாகத்தின் கட்டுப்பாட்டில் காந்தி ரோடு, பெரிய கடைவீதியில் உள்ள வேணுகோபால சுவாமி கோயிலில் புனரமைப்பு பணிகள் நிறைவடைய அக்.23 ல் கருவறை பாலாலயம் நடைபெற்றது. அதன் பின் கும்பாபிஷேகம் நடைபெற முகூர்த்த கால் ஊன்றும் நிகழ்ச்சி நவ.4ல் நடைபெற்றது.

இதை தொடர்ந்து இன்று (நவ. 16) மாலை 5:00 மணிக்கு முதற்கால வேள்வி மங்கல இசையுடன் கும்பாபிஷேகம் விழா துவங்க உள்ளது. தொடர்ந்து முதல் கால வேள்வி நடைபெறும். அதன் பின் நவ. 17 காலை 7:00 மணிக்கு நல் மங்கல இசை உடன் திருமகள் வழிபாடு, திருவிளக்கு ஏற்றுதல், வேண்டுதல் விண்ணப்பம், கண் திறத்தல் உள்ளிட்ட நிகழ்ச்சிகளுடன் இரண்டாம் கால வேள்வி நடைபெறும்.

யாக சாலையில் வைக்கப்பட்ட திருக்குடங்கள் மூலம் திருச்சி திருவெள்ளறை கோபாலகிருஷ்ண பட்டர் தலைமையில் காலை 9:00 மணிக்கு மேல் 10:30 மணிக்குள் மூலவர்,பரிவார மூர்த்திகளுக்கான விமான, கலச கும்பாபிஷேகம் நடைபெற உள்ளது.

ஏற்பாட்டினை இணை கமிஷனர் மாரிமுத்து தலைமையில் கோயில் நிர்வாகத்தினர் செய்து வருகின்றனர்.