சிவகாசி : சிவகாசி பி.எஸ்.ஆர்., பொறியியல் கல்லுாரியில் விருதுநகர் மாவட்டத்தில் உள்ள பள்ளிகளைச் சேர்ந்த 14 முதல் 19 வயது வரையிலான மாணவர்களுக்கு சிலம்பப் போட்டிகள் 4 நாட்கள் நடந்தது. பி.எஸ்.ஆர்., பொறியியல் கல்லுாரி தாளாளர் சோலைசாமி, இயக்குனர்கள் அருண்குமார், விக்னேஸ்வரி முன்னிலை வகித்தனர்.

கல்லுாரி முதல்வர் செந்தில்குமார், டீன் மாரிசாமி பங்கேற்றனர். போட்டியில் 1800 க்கும் மேற்பட்ட மாணவர்கள் கலந்து கொண்டனர்.

வெற்றி பெற்ற மாணவர்களுக்கு பதக்கங்கள், சான்றிதழ்கள் வழங்கப்பட்டது.

ஏற்பாடுகளை கல்லுாரி நிர்வாகம், வெம்பக்கோட்டை அரசு மேல்நிலைப்பள்ளி உடற்பயிற்சி ஆசிரியர் முத்துக்குமரேசன், செவல்பட்டி அரசு மேல்நிலைப்பள்ளி உடற்பயிற்சி ஆசிரியர் ராஜா, கல்லுாரி உடற்பயிற்சி இயக்குனர்கள் அசோக் குமார், சுந்தரமூர்த்தி, செந்தில் குமார், பானு சந்திரா செய்தனர்.