நொய்டா: புரோ கபடி லீக் போட்டியில் தமிழ் தலைவாஸ் அணி 46-31 என பெங்கால் அணியை வீழ்த்தியது.

இந்தியாவில், புரோ கபடி லீக் 11வது சீசன் நடக்கிறது. உ.பி.,யின் நொய்டாவில் நடந்த லீக் போட்டியில் தமிழ் தலைவாஸ், பெங்கால் அணிகள் மோதின. பெங்கால் வீரர்களை 'ஆல்-அவுட்' செய்த தமிழ் தலைவாஸ் அணி, முதல் பாதி முடிவில் 18-16 என முன்னிலையில் இருந்தது. இரண்டாவது பாதியிலும் தமிழ் தலைவாஸ் வீரர்கள் ஆதிக்கம் செலுத்த, பெங்கால் அணி இரண்டு முறை 'ஆல்-அவுட்' ஆனது.

ஆட்டநேர முடிவில் தமிழ் தலைவாஸ் அணி 46-31 என்ற கணக்கில் வெற்றி பெற்றது. தமிழ் தலைவாஸ் அணிக்கு விஷால் சகால் (12 புள்ளி), அமிர் ஹொசின் (7), மொயின் ஷபாகி (6), நிதேஷ் குமார் (6) கைகொடுத்தனர். பெங்கால் சார்பில் விஷ்வாஸ் 9, நிதின் குமார் 8 புள்ளி பெற்றனர்.
தமிழ் தலைவாஸ் அணி 10 போட்டியில், 4 வெற்றி, ஒரு 'டை', 5 தோல்வி என 27 புள்ளிகளுடன் 6வது இடத்துக்கு முன்னேறியது.