அரக்கோணம், சென்னை வில்லிவாக்கம் பகுதியை சேர்ந்தவர் சரவணன் 37. இவர் கடந்த வாரம் புறநகர் ரயிலில் அரக்கோணம் வந்தார். அப்போது ரயில் அரக்கோணம் ரயில் நிலையம் அருகே சிக்னலில் நின்ற போது திடிரென மர்மநபர் ஒருவர் சரவணனின் மொபைல்போனை பறித்து தப்பினார்.

இது குறித்து சரவணன் அரக்கோணம் ரயில்வே போலீசில் அளித்த புகார் அளித்தார். அதன்பேரில் போலீசார் வழக்குப்பதிவு செய்து திருட்டில் ஈடுபட்ட 2 பேரை கைது செய்தனர். மேலும் தலைமறைவாக இருந்த ஒரு நபரை தேடி வந்தனர்.

நேற்று இரவு ரயில்வே போலீஸ் இன்ஸ்பெக்டர் வடிவுக்கரசி தலைமையிலான போலீசார் அரக்கோணம் ரயில் நிலையம் மற்றும் நடைமேடைகளிலும் தீவிர ரோந்து பணியில் ஈடுபட்டனர். அப்போது 4-வது நடைமேடையில் சுற்றி திரிந்த வாலிபரை போலீசார் பிடித்து விசாரித்தனர்.

அவர் திருவாலங்காடு சின்னம்மாபேட்டை பகுதியை சேர்ந்த சாரதி 22 என்பதும், புறநகர் ரயிலில் வருபவர்களிடம் திருட்டில் ஈடுப்பட்டதும் தெரிந்தது.

போலீசார் அவரை கைது செய்து விசாரிக்கின்றனர்.