தர்மபுரி: ''நடிகர் விஜய், 2026 சட்டசபை தேர்தலில், தர்மபுரியில் போட்டியிடுவார்,'' என, தமிழக வெற்றிக் கழகத்தின் தர்மபுரி மாவட்ட தலைவர் சிவா தெரிவித்தார்.

த.வெ.க., தர்மபுரி மாவட்ட வக்கீல் பிரிவு ஆலோசனை கூட்டம், நிர்வாகிகள் அறிமுக கூட்டம், தர்மபுரியில் நேற்று நடந்தது. இதில் மாவட்டத்தின் பல்வேறு பகுதிகளில் இருந்து வக்கீல்கள் மற்றும் நிர்வாகிகள், தொண்டர்கள் கலந்து கொண்டனர். தலைவர் சிவா தலைமை வகித்தார். பல்வேறு கட்சிகளில் இருந்து விலகியவர்கள், த.வெ.க.,வில் இணைந்தனர்.

கூட்டத்தில் நிர்வாகிகளிடையே, தர்மபுரி மாவட்ட தலைவர் சிவா பேசுகையில், ''தர்மபுரி மாவட்டம் மிகவும் பின் தங்கியுள்ளதால், மாவட்டத்தை முன்னேற்ற வரும், 2026 தேர்தலில், தர்மபுரி சட்டசபை தொகுதியில் த.வெ.க., சார்பில், தலைவர் விஜய் போட்டியிடுவார்,'' என்றார்.