பெரியகுளம்: உத்தமபாளையத்தை சேர்ந்தவர் ராஜாங்கம் (57). இவரது மகன் பிரின்ஸ் (17), அவரது உறவினர் முத்தரசன் (17) உள்பட 20க்கும் மேற்பட்டோர் பழநி முருகன் கோயிலுக்கு மாலை அணிந்து பாதயாத்திரை சென்றுள்ளனர். இன்று (டிச.,29) அதிகாலையில், பெரியகுளம் - வத்தலகுண்டு ரோடு, பரசுராமபுறம் அருகே நடந்து சென்றபோது, பின்னால் வந்த அரசு பஸ் இவர்கள் மீது மோதி நிற்காமல் சென்றது.

இதில் படுகாயமடைந்த ராஜாங்கம், திண்டுக்கல் தனியார் மருத்துவமனைக்கு கொண்டு செல்லும் வழியில் இறந்தார். பிரின்ஸ், முத்தரசன் ஆகியோர் வத்தலகுண்டு அரசு மருத்துவமனையில் சிகிச்சையில் உள்ளனர். விபத்தை ஏற்படுத்திவிட்டு நிற்காமல் சென்ற அரசு பஸ் குறித்து போலீசார் விசாரிக்கின்றனர்.