சிவன்மலை ஊராட்சிக்கு கலெக்டர் வாழ்த்து

காங்கேயம், ஜன. 2-
திருப்பூர் மாவட்டம், காங்கேயம் ஊராட்சி ஒன்றியத்திற்கு உட்பட்ட, சிவன்மலை ஊராட்சி சர்வதேச அங்கீகாரம் பெற்று ஐ.எஸ்.ஓ., தரச்சான்று பெற்றுள்ளது. திருப்பூர் மாவட்டத்திலேயே, சர்வதேச தரச்சான்று பெற்ற மூன்றாவது ஊராட்சியாக பெயர் பெற்றுள்ளது. ஊராட்சியின் மக்கள் சேவை போற்றிடும் வகையிலும், சிறந்த நிர்வாகத்தின் அடிப்படையிலும், தரமான செயல்பாடுகள் அடிப்படையிலும், மக்களின் தேவைகளை பூர்த்தி அடைய செய்து திருப்திப்படுத்திய வகையிலும் சிவன்மலை ஊராட்சிக்கு இச்சான்றிதழ் வழங்கப்பட்டுள்ளது. இதற்காக திருப்பூர் மாவட்ட கலெக்டர் கிறிஸ்துராஜ், மாவட்ட ஊரக வளர்ச்சி முகமை திட்ட இயக்குனர் மலர்விழி, ஊரக வளர்ச்சி உதவி இயக்குனர் நாகராஜன் மற்றும் ஊராட்சி தலைவர் துரைசாமி, துணைத் தலைவர் சண்முகம், செயலாளர் காளியம்மாள் மற்றும் ஊராட்சி உறுப்பினர்களுக்கு பாராட்டுகளையும், வாழ்த்துகளையும் தெரிவித்துள்ளார்.