ஈரோடு: தமிழகத்தில் பொங்கல் பண்டிகையின்போது ரேஷன் கடைகள் மூலம், ரேஷன் கார்டுதாரர்களுக்கு இலவச வேட்டி, சேலை வழங்கப்படும். இதற்காக நடப்பாண்டில், 1 கோடியே, 77 லட்-சத்து, 22,995 வேட்டிகள், 1 கோடியே, 77 லட்சத்து, 64,471 சேலைகள் உற்பத்தி செய்ய திட்டமிட்டு, உற்பத்தி செய்யப்பட்டு வருகிறது. பண்டிகைக்கு இன்னும், 11 நாட்களே உள்ள நிலையில் உற்பத்தி தீவிரமாக நடந்து வருகிறது.
இதுபற்றி விசைத்தறி உற்பத்தியாளர் கூறியதாவது:


தற்போதைய நிலையில், 75 முதல் 80 சதவீதம் வேட்டி, 65 முதல் 70 சதவீத சேலை உற்பத்தியாகி, வில்லரசம்பட்டியில் உள்ள கோ-ஆப்டெக்ஸ் மற்றும் கூட்டுறவு குடோனுக்கு கொண்டு செல்லப்பட்டுள்ளது. கோ-ஆப்டெக்ஸ் மூலம் மாவட்ட வாரியாக அனுப்ப வேண்டிய பட்டியல் பெறப்பட்டு, அந்தந்த மாவட்டங்களுக்கும், சில தாலுகாக்களுக்கும் அனுப்பும் பணி நடந்து வருகிறது. தற்போதைய நிலவரப்படி, பொங்கல் பண்டிகையின்போது, 60 சதவீத கார்டுதாரர்களுக்குக்கூட வேட்டி, சேலைவழங்க வாய்ப்பில்லை. இவ்வாறு கூறினர்.