நாகர்கோவில்: சபரிமலையில் தரிசனம் முடித்த பின் நிலக்கல்லில் இருந்து பக்தர்களுடன் சென்னைக்கு சென்ற வேன் நேற்று மாலை துலாப்பள்ளி ஆலபாட்டுகவலை என்ற இடத்தில் கட்டுப்பாட்டையிழந்து 2 வாகனங்களில் மோதி கவிழ்ந்தது.

இதில் சென்னையைச் சேர்ந்த சிவகுமார் 65, சம்பவ இடத்தில் இறந்தார். இவர் அகில பாரத ஐயப்பா சேவா சங்க தமிழ்நாடு மாநில கவுன்சில் உறுப்பினராக இருந்தார். வேனில் பயணித்த 8 பேர் படுகாயம் அடைந்து பத்தனம்திட்டா மருத்துவமனையில் அனுமதிக்கப்பட்டனர். போலீசார் விசாரிக்கின்றனர்.