சிவகங்கை: சிவகங்கையில் தமிழ்நாடு மின் உற்பத்தி மற்றும் பகிர்மான கழகம், தமிழ்நாடு அறிவியல் இயக்கம், சிவகங்கை மின் பகிர்மான வட்டம் நடத்திய தேசிய மின் சிக்கன வார விழாவை முன்னிட்டு பள்ளி அளவில் நடந்த போட்டிகளில் வெற்றி பெற்றவர்களுக்கு பரிசளிக்கும் விழா நடந்தது.

மேற்பார்வை பொறியாளர் ரெஜினா ராஜகுமாரி தலைமை வகித்தார். செயற்பொறியாளர்கள் வீரமணி, முருகையன், தமிழ்நாடு அறிவியல் இயக்க மாநில செயற்குழு உறுப்பினர் ஜீவானந்தம் முன்னிலை வகித்தனர். மாவட்ட ஆற்றல் மன்ற ஒருங்கிணைப்பாளர் ஆரோக்கியசாமி வரவேற்றார்.

முதன்மை கல்வி அலுவலர் பாலுமுத்து, மாவட்ட கல்வி அலுவலர் இடைநிலை மாரிமுத்து வெற்றி மாணவர்களுக்கு பரிசுகள் வழங்கினர்.