திண்டுக்கல்: போலீசாரிடம் இருந்து தப்பிக்க முயற்சித்த கொள்ளையனுக்கு காலில் எலும்பு முறிவு ஏற்பட்டுள்ளது.


திண்டுக்கல் பழனி பைபாஸ் பகுதியில் ராமசாமி என்பவரை முகேஷ்குமார் (எ) ரெட்(22) கத்தியை காட்டி மிரட்டி கொலை மிரட்டல் விடுத்து சட்டை பையில் வைத்திருந்த செல்போன் மற்றும் பணத்தைப் பறித்து சென்றான். இது தொடர்பாக சம்பவ இடத்திற்கு சென்ற தாடிக்கொம்பு போலீஸ் இன்ஸ்பெக்டர் பாலமுருகன் சப் இன்ஸ்பெக்டர்கள் பிரபாகரன், சூரியகலா மற்றும் போலீசார் தீவிர விசாரணை மேற்கொண்டனர். அப்போது முகேஷ்குமாரை பிடிக்க சென்றபோது போலீசாரிடமிருந்து தப்பிக்க முயற்சி செய்து கீழே விழுந்த அவனுக்கு கால் எலும்பு முறிவு ஏற்பட்டது.

போலீசார் முகேஷ்குமாரை மீட்டு சிகிச்சைக்காக திண்டுக்கல் அரசு மருத்துவக் கல்லூரி மருத்துவமனையில் சேர்த்தனர்