மதுரை: இந்திய விமான படையில் மருத்துவ உதவியாளர் மற்றம் அக்னிவீர் வாயு தேர்வு செய்யப்பட உள்ளனர்.

மருத்துவ உதவியாளர் பணிக்கு ஜன.29 ல் கேரள மாநிலம் கொச்சி, எர்ணாகுளத்தில் உள்ள மகாராஜாஸ் கல்லுாரி மைதானத்தில் தேர்வு நடக்க உள்ளது. இதில் பிளஸ் 2 அறிவியல் பிரிவில் பயின்றவர்கள் (திருமணமாகாத ஆண்கள் 3.7.2004 முதல் 3.7.2008க்குள் பிறந்தவர்கள்) கலந்து கொள்ளலாம்.

மருத்துவ உதவியாளர் (மருந்தாளுனர்) பணிக்கு பி.எஸ்சி., பார்மசி, டிப்ளமோ இன் பார்மசி முடித்த 3.7.2001 முதல் 3.7.2006 க்குள் பிறந்த திருமணமாகாத ஆண்களும், 3.7.2004க்குள் பிறந்த திருமணமான ஆண்களும் விண்ணப்பிக்கலாம்.

மேலும் இந்திய விமானப்படை அக்னிவீர் தேர்வுக்கு இணையவழியில் விண்ணப்பிக்க, திருமணம் ஆகாத ஆண் மற்றும் பெண்கள் 1.1.2005 முதல் 1.7.2008 வரையான காலத்தில் பிறந்தவராக இருக்க வேண்டும். இத்தேர்வுக்கான கல்வித்தகுதி பிளஸ் 2 அல்லது மூன்றாண்டு பொறியியல் பட்டயப்படிப்பு (டிப்ளமோ) முடித்திருக்க வேண்டும்.

விவரங்களுக்கு https://agnipathvayu.cdac.in/ என்ற இணையதளம் மூலம் அறிந்து தகுதியுள்ளவர்கள் ஜன.27க்குள் விண்ணப்பிக்க வேண்டும் என மதுரை மாவட்ட வேலைவாய்ப்பு மைய துணை இயக்குனர் சண்முகசுந்தர் தெரிவித்துள்ளார்.