சென்னை: சர்வதேச நிலவரங்களால், நம் நாட்டில் தொடர்ந்து அதிகரித்த வந்த தங்கம் விலை, நேற்று சற்று குறைந்தது.

தமிழகத்தில் கடந்த சனிக்கிழமை, 22 காரட் ஆபரண தங்கம் கிராம், 7,790 ரூபாய்க்கும்; சவரன், 62,320 ரூபாய்க்கும் விற்கப்பட்டது. இதுவே, தங்கம் விற்பனையில் உச்சவிலை. வெள்ளி கிராம், 107 ரூபாய்க்கு விற்பனையானது.

ஞாயிற்றுக்கிழமை, தங்க சந்தைக்கு விடுமுறை. அன்று, முந்தைய நாள் விலையிலேயே ஆபரணங்கள் விற்பனையாகின. நேற்று தங்கம் விலை கிராமுக்கு, 85 ரூபாய் குறைந்து, 7,705 ரூபாய்க்கு விற்கப்பட்டது. சவரனுக்கு, 680 ரூபாய் சரிவடைந்து, 61,640 ரூபாய்க்கு விற்பனையானது. வெள்ளி விலையில் மாற்றமில்லை.