அரியாங்குப்பம்: குழந்தையுடன் தாய் மாயமானது குறித்து, போலீசார் விசாரிக்கின்றனர்.

தவளக்குப்பம் தாமரைக் குளம் பகுதியை சேர்ந்தவர் ராஜ்குமார் மனைவி சவிதா, 40.

இவர், கடந்த 2ம் தேதி, தனது மூன்று வயது மகனுடன் வெளியில் சென்றார். மாலை வரை வீட்டுக்கு வராததால், சந்தேகமடைந்த அவரது கணவர், உறவினர்கள் வீடு உள்ளிட்ட பல்வேறு இடங்களில் தேடியும், இருவரும் கிடைக்கவில்லை.

இதுகுறித்து, ராஜ்குமார் கொடுத்த புகாரின் பேரில், தவளக்குப்பம் போலீசார் வழக்கு பதிந்து, விசாரணை நடத்தி வருகின்றனர்.