புதுச்சேரி: புதுச்சேரியில் முதுநிலை மருத்துவ படிப்புக்கான ஸ்ட்ரே சுற்று வரைவு சீட் ஒதுக்கீட்டு பட்டியல் சென்டாக் இணையதளத்தில் வெளியிடப்பட்டுள்ளது.

சென்டாக் ஒருங்கிணைப்பாளர் அமன் சர்மா வெளியிட்டுள்ள செய்திக்குறிப்பு:

முதுநிலை மருத்துவ படிப்பு (எம்.டி./எம்.எஸ்.) அரசு மற்றும் நிர்வாக ஒதுக்கீட்டில் உள்ள இடங்களுக்கான ஸ்ட்ரே சுற்று வரைவு சீட் ஒதுக்கீடு பட்டியல் சென்டாக் இணையதளத்தில் வெளியிடப்பட்டுள்ளது. முழு கல்வி கட்டணம் செலுத்தியதன் அடிப்படையில் ஸ்ட்ரே சுற்றுக்கு சீட் ஒதுக்கீடு செய்யப்படுகிறது.

விண்ணப்பதாரர்கள் தங்களது பயனாளர் ஐ.டி., மூலம் இணையதள பக்கத்திற்கு சென்று, சீட் ஒதுக்கீட்டின் நிலையை சரிபார்த்து கொள்ளலாம். விண்ணப்பதாரர்கள் இன்று 26ம் தேதி முதல் சீட் ஒதுக்கீடு உத்தரவை பதிவிறக்கம் செய்து கொள்ளலாம்.

விண்ணப்பதாரர்கள் இன்று முதல் அனைத்து அசல் சான்றிதழ்கள் மற்றும் சீட் ஒதுக்கீடு உத்தரவை கல்லுாரி முதல்வரிடம் சமர்ப்பித்து வரும் 28ம் தேதி மாலை 5:00 மணிக்குள் சேர வேண்டும். மாணவர்கள் தகவல் அறிய எஸ்.எம்.எஸ்., அனுப்பப்பட்டுள்ளது. மேலும் தகவலுக்கு சென்டாக் உதவி மையத்தை 0413--2655570, 2655571 ஆகிய தொலைபேசி எண்களில் தொடர்பு கொள்ளலாம். இவ்வாறு அவர் கூறியுள்ளார்.