மதுரை: கோடைவிடுமுறையில் பயணிகளுக்காக கீழ்க்காணும் சிறப்பு ரயில்களை தென் மத்திய ரயில்வே நீட்டிப்பு செய்துள்ளது.

திங்கள்தோறும் இயக்கப்படும் கச்சிகுடா - மதுரை ரயில் (07191) மே 5 வரை, புதனில் இயக்கப்படும் மதுரை - கச்சிகுடா ரயில் (07192) மே 7 வரை நீட்டிக்கப்படுகின்றன. வெள்ளிதோறும் இயக்கப்படும் கச்சிகுடா - நாகர்கோவில் ரயில் (07435) மே 2 வரை, ஞாயிறுதோறும் இயக்கப்படும் நாகர்கோவில் - கச்சிகுடா ரயில் (07436) மே 4 வரை நீட்டிக்கப்படுகின்றன.

சேவையில் மாற்றம்

புகளூர் ஸ்டேஷன் யார்டில் பராமரிப்பு பணியால் ஈரோடு-செங்கோட்டை ரயில் (16845) மார்ச் 28, மதியம் 3:05 மணிக்கு கரூரில் இருந்து புறப்படும்.

மறுமார்க்கம் செங்கோட்டையில் இருந்து மார்ச் 28 அதிகாலை 5:10 மணிக்கு புறப்படும் ஈரோடு ரயில் (16846) கரூர் வரை மட்டும் இயக்கப்படும்.